Va´a ni kuu nikusaando nuu kuu kiivindo nuu kuu koovando

SA´A KIA

Ñaa kaja va´a chiakaña keevae ñie´e sa´a kova´a na vasi tyi naando´o tondo´o ve´ena. Tyi ñayo´o kuu kajandana sa´an nuu ndoi tuun na komi chuun si´in oficina gobierno tyi nee kueenda sa´an xuun nuu na kuu koyi yo´o

Kaja vita chakaana nuu na kuuchiniu kuenda ve´e nuu chindyeña´ana kuunda iñie yoe ndo´o tando´o ve´e keva´ae ñie´e chindyena mee

Jana kaja vita chaana na chindee mee kuenda nae ve´e kaana si´ie yoo ndo´o tando´o javi kuu chindyiena mee

TONDO´O

Jani ii tu´un kuu chindyie na yivi vasi nda´avi kuuna chindyenana tuun estatal a federal. Kua´an kininaa koo ñia´a ñaa chindyeñana koo sikaana chi tuni tondo´o ja ñinaa kuachi ndyiva´ava ja ñinaa

Kua´a ve´e vichiñiu tuun chindyu´u tyi vichiñiu ña chindyie federal si´i estatal cuenda condado, ley emigración, ve´e kuenda seguro social. Ña kixi ñaka ii chandyi va´ao tyiani meena

YOO NUU ÑI TYIANA YO´O

Nuu tyi kuuchiniu kueenda HHSA na kixi taata kuundaa ini tu´un kuenda migra na ndo´o tondo´o ve´e a naana

Nuu na chindyie na ndo´on tondo´o ve´e mena chindyena nayivina ñi´ina ayuda

Nuu na ka´an ndyia sa´ana si´in abogado kuuenda migración chindyena na yivina ñi´ina ayuda

Nuu naa kuchíñu kuenda ve´e administración, seguro social na kixi tata kuunda iñi sa´a migración tyi ña kiaa sini ñu´una ja ke´ena numero seguro social

TU´UN NDOE TO´ONDO´O CUENDA NA ÑA´A

Tu´un ña chindee na ña´an ta kixi sisina si´ina (VAWA ja nañia tu´un lingo) ña ka kuua ley federal kueenda inka sioo yo´o Ña ndyuku ndajava´a chaka sa´a tyii kixisisi chiñiu na ñuu sa´a to´ondo ó ndo´o na ña´a tuun ta nana ve´ena, a sii tyianina, tyi sisiña´ana o kixi tyusana si´ina.VAWA ñi ya´a kuia 1994 tyi kuia eve mil ndaja saa tyukuna, tyi kuua tu´un taxi´ina chikua na xini ñu´u chindyu´una ñi ñuu yivi, ña nijana taka tu´un sa´andyia chuun vi chiniu, tyi kuenda ña kuchiño nuu ñuu, jani na kuu chuun kuenda mena na koo kuchiñio nuu gobierno, jana sikunera tu´un kuenda na ndo´o tondo´o ve´e si´i na ña´a. VAWA ña legislación yachi ñi kuuva´ana ii tu´un federal ndyiaa kuu meevá kunakatyi ni kixi tondoo ve´era tyinara. Jani kuunina ndyi´i estado si´i ñuu nakaja ndyuna chuun ñityiandyia kuundyiana tyi nanakuñina sa´a ña ndukuundyena organización kuenda na yivi tuun na ñikuutyivi kuenda toondo´o ve´ena, nuu chindyena kuenda na ndo´o toondo´o, tyisi kuchuu tyi yina jaku jaandyina toondo´o ii si´i na ña, nukuuva´ana programa nuu chindyena sio ley na ndo´o toondo´o na kixi ndusana si´i.

VAWA jani nea nandyia na kusa nda´avi yoo tyi kixisisina si´ina. Ña ka´a tyi migracion ndukura kuu kaanira na kixisisi na kuchuna ña ii tyutyuna kajana ña kunimena si´in nijina (yiina). Sa´a VAWA na taanda´a si´ina si´i ja´ayina ndo´o tondo´o kixi iina ii tyutyu va´a kuenda inka sio yo´o (EUA) kuu ñi´ina tyutyuna kuni a koo kuni mena kixi sisi si´ina.Toto na nikusaa kixisisina si´ina kuu kaja yikoona sa´ana, kuu jaki´ivi mena tyutyuna uun ndyusa chindyee najina a yina tyi nakaku sio yo´o a ii tyutyu va´ana. Sa´a tyutyu nijaki´ivina kuu kaja yikuna sa´ana tyaa a ña´a na nikixi sisi si´ina kaakaa tyutyu kuenda kuuchiniuna jani sa´a ja´ayina kuu neta´a ndyia´a kua´a.Meña a mera jana takana ndyita´an tyutyu sikana jakuu kaja yikuna sa´ana jañi´ina tyu tyu va´ana tyi koo ndusa ku´u yiina a ñajina si´ina.

Ña chindeena ja keeva´an ñi´ina ayuda kondo inuvaa chi congreso nakunira ndyiakia sininu´una ndo´o tando´o ñaka nichikara ii red seguro jana kukuna ii nayivi koo sini ñu´u ni tu´una.

Sata nuu kakana tyutyuna na ndo´o tondo´o nakeena kua´a aviso ña kuu kakana chindyena na. Jaani iityivinau najama ley sa´a na ndo´o tando´o.

Kua´a tu´un ni koyira migración ña koo kuu tyindoo ja keendo ña chineeña´ana ii java tu´un ñi koyi migración tasi hora jaa kuundyena a keena a uun ke´ena.

Kuuva tyina ayudá na ndo´o tondo´o kua kaja.

TYIANDYIA CHUUN NUU II INA SI´I LEY KEETA´A CHINDYEÑA´A NUU CHIÑIU KUIA 1996 (PRWORA)

PRWORA sininaa tun kumevaa kuenda ley reforma ña chindye na ñuu. Kuaa ii ley kuenda reforma kuenda ndyi ta´aan inka sio yo´o taanda´ana nuu na kuu koiyo´o. Kua´a kinina nityivina derechona sa´an niinaa ayuda kuenda na yivi ña kaana ñi´ina.

Eve tyiantyiana kuuna ni ñi´ina tyi ni koondo va´ana kuuna kuuna ni nakutyivi si´i na ndo´o tondo´o ve´e. Vatyi ndyi ña chindeeña´ana na ndo´o tondo´o tyi ñijava chavaa sikuuna.

LEY CALIFORNIA

Kaachi ley reforma kuenda chindyena na ñuu na kaandyina na kivi kuenda chindyeña´a, California ñi koondona chindye chakana na ñuu siini ñu´uu chaaka si´i ndyi naka saa ndyi yo´o si´i na ndo´o tondo´o ve´ena.

California ta tyiai najamara ley nuu kuenda chindyeña´ara ja kuu nasikuune´era kuenda ña ninajama ley migración.

TU´UN NA KOYINA ÑUU YO´O

Ta tyiani estado kixira a bajamara ña chindyeeñara, ta ñuu ta ñuu kuva´ara tu´un mera jana jamara. Jani na tiara tu´un ña kuñira najamara sa´a ii tyi kuu chuun HHSA siniñuura kaja ndyura tu´un ley. Ña tu´un yo´ó kachian tuun taa iin nakusa yo´ó ta iin ta iina na jakutyu tyutyu kunde´ena tyutyuna iñi computadorá taa íín ñuu nuu ndoyina.

Sa´a ta íin ñuu koyina tu´un mena tyi kuu kue sika kua´an ña javija kaja nduna ii íía ndaa ña najama taa íín ñuu na´ano ndyixi viita chaka na yivi ndo´o tando´o kuu chindeeña´ana.

VE´E SEGURO SOCIAL

Tu´un ni kooyi tyi komi chiñiu kixi yikoona yoo kuu ñi´in íín numero seguro social. Kua´a kiniva ña ka´ana chindyeña´ana siñi ñu´una íín numero seguro social ja kuu chindyena yo´ó, tuuni kuu nuu kundaa iñiu ndya kia sini ñu´ú.

Ndyia kua kuu ñi´u

ÑA KUU ÑI´I JAVANA KOO NIKAKUU YO´Ó JO NDO´ONA TONDO´O VE´ENA

Ñaa modo keva´ana ñi´ina nuu chindyeña´ana ña kuu ñi´i:

Medi-Cal Chindye ndyi´iña´ana / Medi-Cal ña kia sijakuityi chindyeña´ana

Nuu chindyeña´ana California nuu chiñiu si´i jaka nduuna kuenda na vali

Kuenda koo ke´e ña kusia´aen

Kuenda kaja tatana mee

Na ve´e ndoi va´a (Na vali)

Chindyena ndyita´ana

Siiñi ñu´una kunde´ena:

Tyutyu migración

Ña sini ñu´un nuu ndyi ta´an na sikaa kuenda chindyeña´ana

Sika´ana chaka tyutyu nuu na jaki´ivi tyutyu na kuu na ndo´o tondo´o ve´e

ÑA KUUNIRA CHINDYEÑA´ARA NDYI TA´ANA NA KUUSAA YO´Ó TYIANI NDOINA NDYIATYINA KUU YIKO TYUTYUNA

Ña sikau kuenda visa a ndaja sauñiaa a ke´ena ii tyutyu saa na ndo´o tondo´o ve´e tatyiyiva kuu ñi´ina ña chindyeña´ana kuenda ñuu.

Tua´an yo´ó:

1. Na ndo´o tondo´o sini ñu´una na´ana tyutyu mea ndaa na kee va´ana I-130 ña jaki´ivi yiina a niji´ina si´i ña mea ndaa nikixisisina si´ina

Na ndo´o tondo´o ve´e chindyeña´ana kuenda PRUCOL
Na ndo´o tondo´o sa´ana íín tyutyu nuuna jana kune´ena ku´una ve´e seguro social jana ñi´ina numero seguro jana kuu kakana ña chindyeña´ana

2. Na ndo´o tondo´o neena íín tyutyu ña nañi I-360 Prima Facie

Na ndo´o tondo´o tatyia´ayava ñi´ina ayuda kuenda PRUCOL a na yivi na keeva´a

3. Na ndo´o tondo´o neena íín extencion ña nañi I-360 Prima Facie

Na ndo´o tondo´o tatyia´ayava ñi´ina ayuda kuenda PRUCOL a na yivi na keeva´a

4. Na ndo´o tondo´o neena íín tyutyu ña niiya´a nañia I-360 si´i “Deferred Action”

Na ndo´o tondo´o tatyia´ayava ñi´ina ayuda kuenda PRUCOL a na yivi na keeva´a

5. Na ndo´o tondo´o neena íín tyutyu ña nindaja saana nañi “Deferred Action”

Na ndo´o tondo´o tatyia´ayava ñi´ina ayuda kuenda PRUCOL a na yivi na keeva´a

6. Na ndo´o tondo´o na´ana tyutyuna ña ii ndaana pais yo´ó (LRP) a íín seyo nañi I- 551, I-94, a pasaporte sii íín numero especial kuenda naji´i si´i ja´ayi na ndo´o tondo´o ve´e (Tuun na yo´ó IRI, B-26)

Na ndo´o tondo´o tatyia´ayava ñi´ina ayuda kuenda PRUCOL a na yivi na keeva´a

7. Na ndo´o tondo´o na´ana tyutyu ña siini kuu yikovaana

Na ndo´o tondo´o tatyia´ayiivaa chindyeña´ana ña ñinduuna kuenda sio yo´ó

ÑA SINI ÑU´Ú JAA CHINDYE ÑA´ANA NA KIA´A CHINDYEÑA NDYI TA´ANA SIKA

Na sika sini ñu´una kaja ndyuuna sii ndyita´ana ña ñi´ina ta kuchuna
Na sika kuuna nana a tata (ja´ayi vali kuia lo´o chaka nuu oko íín kuiatyi iina si´in na sika)
Na sika kuuna ta´an na ndyia na vali
Na sika kuuna na vali lo´o chakana nuu oko íín kuia
Na sika kuuna íín na yivi siva´a jiko chakana nuu uñi xiko u´un kuia
Na sika kuuna íín na yivi na ki´ivi chaa

Click Here for a pdf version of this page

CHART OF PETITIONS/ABUSE DETERMINATIONS/DOCUMENTS/"BENEFITS ELIGIBILITY STATUS"

Chart

Back to Top